Përdorimi i fjalorëve

On 2002-04-20 23:04, Spadi wrote:

Cilët janë fjalorët më të përshtatshëm për përkthyesit dhe si t\'i përdorim ata.





Mendoj se fjalorët më të volitshëm janë ata në formatin e një DC (CD) ose \"online\".



Mendoj kështu sepse koha e gjetjes së fjalës në këto lloj fjalorësh është shumë më e shkurtër se në fjalorët e zakonshëm të shtypur në fletë.



Unë kur kam vështirësi dhe nuk më vjen në mend fjala e përshtatshme, shumë herë shkoj tek burimi dhe shikoj se çfarë do të thotë fjala vetë (në anglisht apo shqip, sipas variantit). Ka shumë raste që nuk e kam të qartë se si ta përkthej një fjalë, pasi nuk e kam të qartë kuptimin e fjalës vetë, le më përkthimin.



Prandaj, nëse është fjalë anglisht, unë hap një fjalor anglisht-anglisht që ta kuptoj fjalën mirë. Dhe anasjelltas, hap fjalorin shqip-shqip për të parë të gjitha kuptimet apo nuancat e fjalës.



Pasi kam bërë këtë, ose do të më vijë në mend përkthimi, ose hap fjalorin e përshtatshëm të të dy gjuhëve. Unë kam disa fjalorë Online (njëri është Oxfor English Dictionary, pak i shtrenjtë, por ja vlen ta blesh) dhe një tjetër që im shoq e ka bërë vetë Ang-shqip që në fakt është pak i kufizuar për momentin, ka vetëm rreth 27,700 fjalë (por që numri i fjalëve është në rritje e sipër) dhe që më ndihmon disi.



Në fillim kontrolloj këtu për një fjalë të caktuar, dhe nëse nuk e gjej dot, hidhem tek fjalorët tradicionalë.



Para disa kohësh mund ta gjeje në internet një fjalor (falas) ang-shq dhe anasjelltas tek http://www.yourdictionary.com por tani nuk jam më e sigurt nëse është në dispozicion falas. E kam provuar disa herë, dhe nuk e gjeta dot.



Kjo kompani (www.yourdictionary.com) shet fjalorë shqip-ang-shqip në DC (CD), për një çmim mesatar mendoj (rreth $250), por nuk jam e sigurt sa i mirë do jetë dhe çfarë fushash mbulon. A e përdor ndonjë njeri këtë lloj fjalori dhe nëse po, çfarë mendimesh/eksperiencash keni me të?



Kuptohet që fjalori më i mirë është ai në mendjen e përkthyesit, sepse koha është flori dhe është më efikase kur bëhet përkthimi drejtpërsëdrejt pa patur nevojën e fjalorit, po ja që ka raste që pa fjalorët nuk mund të bëjmë dot, apo jo?



[ This Message was edited by: on 2002-08-17 17:50 ] ▲ Collapse