Anila, për koincidencë, unë sapo mbarova javën e kaluar një material të gjatë në fushën e biznesit ekonomik dhe për këtë m'u desh të diskutoja shumë me tim atë disa terma të veçanta, meqë ai është ekspert në ekonomi. Do ishte më mirë të jepje variantin e plotë ku ndodhen këto terma, pasi ato kanë kuptime të caktuara në kontekste të caktuara. P.sh. stock është "gjendje, disponibilitet" (aksionesh, zotërimesh, titujsh etj). Evedintim fizik që vërteton një interes pronësie në një subjekt biznesi. Quhet edhe hisepronësi kapitale. Një bashkësi aksionesh formojnë një gjendje aksionesh apo stok aksionesh.
Bond është obligacion, bond, Instrument detyrimi që emetohet nga një subjekt biznesi apo ent qeveritar në pozitat e huamarrësit për palën huadhënëse, apo investitore, që është një individ, subjekt biznesi.
Mutual fond është fond i ndërsjelltë investimi, fond reciprok investimi, fond i përbashkët investimi.
Më kontakto direkt nëse ke pyetje të tjera.
Monika

--------------------------------------------------
Note added at 2003-03-11 20:54:02 (GMT)
--------------------------------------------------

Mutual Fund - Një shoqëri investimi me fund të hapur (ndryshe open-end investment company) që vazhdimisht ofrojnë aksione të reja në publik, kundrejt rishitjes së aksioneve në të parë nga aksionarët ekzistuesë. Quhen fonde me fund të hapur sepse kushdo mund të largohet dhe të hyjë në firmë, nga që baza kapitale nuk është fikse. Në rast se baza kapitale do ishte fikse (pra kur aksionarët ekzistues vijojnë deri në fund dhe vetëm një numër i autorizuar aksionesh mund të shitet), atëherë në këtë rast do quhej fond i ndërsjelltë investimesh me fund të mbyllur (ose në anglisht Closed End).

--------------------------------------------------
Note added at 2003-03-12 00:20:56 (GMT)
--------------------------------------------------

Shpjegim për bonot e thesarit.
Fjala \"Bonds\" është shumë më e gjërë se \"bonot e thesarit\".
Jo të gjitha \"Bonds\" janë \"bono thesari\", vetëm një lloj i tyre që quhet \"T-bonds\" ose \"Treasury Bonds\" janë ato që përkthehen në shqip \"Bono thesari\".
Treasury Bonds - Bono thesari (Buoni del tesoro, titoli del stato - italisht).
Bonot e thesarit përfaqësojnë angazhim të thesarit për t\'ia shlyer borxhin (në maturim) palëve huadhënëse. Quhen edhe detyrime (obligacione) qeveritare afatgjatë.
Janë huamarrje që financojnë projekte të ndryshme qeveritare afatgjate (infrastrukturë).
Emetohen kundrejt një interesi që llogaritet veças dhe që i bashkangjitet në formën e një kuponi që përfitohet periodikisht nga huadhënësi (investitori), p.sh. çdo 6 muaj. Norma e interesit këtu nënkuptohet si norma e kuponit (bono-kupon). Karakteristikat e tjera janë njëlloj si me bondin. Në raste kur afati i maturimit është i gjatë (10 vjet), quhet \"vlerënotë thesari\" (treasury notes).



--------------------------------------------------
Note added at 2003-03-13 02:11:08 (GMT)
--------------------------------------------------

Shënim për \"Letrat me vlerë\"

E dashur Diana,
“Letra me vlerë” është shumë më e zgjeruar se sa “Bonds”. Në fakt “Letrat me vlerë” përfshijnë: “Bonds, securities, stocks, shares, bills, equity”. Nuk e kuptoj se ku qëndron gabimi me mbajtjen e termit “bond ose obligacion”, përderisa këto terma përdoren tani në Shqipëri. “Bono thesari” ka kuptim më të ngushtë se “bonds” dhe “Letra me vlerë” përfshin shumë gjëra të tjera përveçse “bondeve”. Bonde (ose obligacione) është termi i saktë dhe mjaft i përdorur tani në Shqipëri. Unë i nxora të gjitha shënimet e mësipërme nga udhëzimet që kam marrë kur kam përkthyer për FMN-në dhe Kontrollin e Shtetit (për të cilët kam përkthyer shumë materiale dhe kam fituar shumë përvojë me termat ekonomike). Prandaj edhe ftova Anilën që të më pyeste veçmas nëse dëshironte, pasi ende i kam ato materiale, (por që për arsye që kuptohen, nuk mund t’i botoj këtu, prandaj nxora vetëm shënime të caktuara, për të vërtetuar përdorimin e termave të mësipërme). Shpresoj që Anilës t’i kenë shërbyer sadopak në përkthimin e saj. Më vjen keq, por nuk mund ta vazhdoj më këtu këtë diskutim për këto terma sidomos për arsye kohe; unë dhashë vetëm mendimin tim me shpresë që të ndihmoja.
Me respekt,
Monika


--------------------------------------------------
Note added at 2003-04-07 05:57:38 (GMT) Post-grading
--------------------------------------------------

Ilir Hoti, Fjalor enciklopedik për bankën, biznesin, bursën, ekonominë

Une nuk e di saktesisht termin qe Fakulteti Ekonomik mund te perdore sot por Mutual Funds kane dy qellime:

Se pari, qe t’i japin mundesi investitorit te mesme ose te ulet qe te investoje. Psh. nese ke $100.00 dollare per te investuar dhe aksioni qe deshiron te blesh eshte $60.00 dollar per aksion, ti si investues nuk mund te blesh 1 e ¾-ten e nje aksioni. Kjo do te kerkonte sasi te medha parash per te investuar.

Se dyti, shkalla e rezikut ne nje mutual fund eshte shume me e ulet. Nje mutal fund permban nje grumbullim aksionesh me shkalle te ndryshme rreziku. Ne kete menyre rreziku mesatar (avarage risk) i mutual fund eshte i ulet. Nuk e di ne se e ke degjuar shprehjen mjaft te njohur ne fushen e biznesit "Mos i ver te gjitha vezet ne nje shporte". Mutual fund te jep pikerisht kete mundesi - te mos i investosh parate ne te njejtin aksion, por ne shume aksione duke ulur keshtu shkallen e rrezikut.

Perkthimi i dhene eshte mendimi im por besoj se eshte i sakte.

stock-rezerve bankare
bond-obligim bankar
mutual fund-shoqeri me kapital te investuar


--------------------------------------------------
Note added at 2003-03-12 10:06:50 (GMT)
--------------------------------------------------

bond-bono bankare

Per termin e trete nuk jam shume i sigurte.